Harold Camping klikkaði !!!!

         Sem betur fer!  Hversu oft hef ég ekki heyrt heimsendis spádóma. Viðurkenni ótta minn við það fyrirbrigði fyrir 7o árum. Ég henti gaman að þessu í útskriftarveislu barnabarns míns,á 19.hæð háhýsis í Kópavogi,í gær. Ég hafði svo oft lifað af,að ég var orðin nær örugg. Þetta er manni líkt,þurfa að fá sannanir,, gengju þær eftir væri ég ekki heldur að henda gaman að því.   Það þarf engan vel lesinn biblíufróðann, til að sjá að þetta stenst ekki hjá klerki,eða predikara. En ég læt fylgja hér vísur eftir Teit J. Hartmannsson,sem spaugar með guðhræðslu sína,sem gæti allt eins passað við mig eða þig.           
                                              Á kyrrlátu gamlárskvöldi
                                              ég kraup og úthelti tárum
                                              ég þakkaði góðum guði
                                              hans gjafir á liðnum árum.
                                            
                                              En svo varð ég hræddur og hissa
                                              ég hafði þá steingleymt því besta
                                              í þessari þakkargjörð minni
                                              en það var að minnast á presta.

                                              Ég ætlaði úr þessu að bæta
                                              á auga lifandi bragði
                                              ég hóf upp mín augu til himins
                                              hrópaði á drottinn og sagði
 
                                              Svo þakka ég þér fyrir klerkinn
                                              og þá mælti herrann og brosti
                                              það er nú ekkert að þakka
                                              fyrir þennan að minnsta kosti.
                                              
                                          
                                                                                              

                                                

Dómsdagur leið tíðindalaus hjá

Össur alltaf að slá!!!!

               Hann fer létt með það,að slá á létta strengi,enginn tekur það frá honum. Það er eins gott að leið ekki yfir frú Clinton,í hláturgusunum,hann hefði staðið eins og þvara, mönnum er ekki allt gefið. En hann kann sitt hvað fyrir sér í viðskiptum,græddi drjúgt á innherja vitneskju sinni fyrir hrun, fáir sætta sig við að þau viðskipti Össurar,liggi í þagnargildi.

Össur sló á létta strengi

David Beckham

             Er á endalausri hraðferð,ef ekki á fótboltavellinum þá á heimsins fjölförnustu hraðbrautum. Það er fréttnæmt lendi hann í óhappi,það vita fréttamenn og við,sem þá þökkum fyrir að hann er heill. Nýlega sást hann í brúðkaupi prinsins í Englandi,ásamt konu sinni. Ég átti nú ekki von á öðru en þau væru glerfín,en ég stóð mig að því að vera lítt hrifin af hatti konu hans. Langar að spyrja Lindu Árnadóttur álits.  Mér varð á orði ,,ekki er hattur höfuðfat,nema á hvirflinum sé.,, Hann var bara á pönnunni,kanski festur með kennaratyggjói,eins og þulurinn lýsti honum.  Nei,þetta er ekki öfund,ég er með flottan hattrick á heilanum,fáið að sjá hann á morgun,, vonandi    og    koma svo          Manchester United.

Beckham slapp úr bílslysi

Lítið stef,lítil skref.

               Gamla hjólbeinótta herfan gengur eftir gangstéttinni,hún gengur á jörkunum,hún er hró. Ekki verður hún sökuð um fjármálaspillingu,ónei.     Hún gerði ekkert ekki neitt; nema ,,hitt,, áður en hún dó.

Það sem Jón Gnarr þráði

               Var nú ekki hægt að gefa Jóni Gnarr Ísbjörninn,svona einskonar vinargjöf til borgarstjóra höfuðstaðar Ísland,frá höfuðstað Vestfjarða,eða þá frá ríkinu,ef það er löglegur eigandi. Þá á ég við að gefa hann á fæti,góð og falleg gjöf.

Ísbjörninn kominn til Reykjavíkur

Hva!! Úlendingar að stelast? Hvað segja bændur þá ?

             Greinilegt  að  það er ekki ,,óvart,, því slökkt var á ferilvöktunarbúnaði eins af skipunum,auk þess greindust veiðarfæri í sjó. Eru Spánverjar byrjaðir að máta,telja þetta hafsvæði bráðlega tilheyra sér til jafns við Íslendinga? Það var svo sem viðbúið,að látið sé á það reyna,meðan ,,varðskipið,, er í verkefnum fyrir Evrópusambandið á fjarlægum stöðum. Greiningabúnaður Sifjar virkar ágætlega,þ.e.a.s. T.F. Sifjar,síðan skal athuga málið,nema hvað.

Staðnir að ólögmætum veiðum

Sigmundur opinberar gremju Seðlabankastjóra

     Sem greinilega hegðar sér eins og hefnigjarn einræðisherra. Hann ætti að skammast sín,mætti ég einhverju ráða,segði ég honum upp. Aldrei,ég segi ALDREI, hefði Davíð hagað sér þannig,vinna  á móti þjóðarhag,reynið bara að bera á móti því. Valdasjúka stjórn notar nú tindáta sína,íslenska sem erlenda að klekkja á þjóðinni að svo miklu leyti,sem  völd þeirra haldi. Greinilega ætlast til að Nei-sinnar fái ákúrur fyrir réttláta og áræðna ákvörðun. Með því sundra þeir enn meir og geta lokkað þá aumu til sín. Þeir þurfa tíma svo ESB. dæmið gangi upp,þá fyrst eru þessir kumpánar lausir úr netinu. Við erum svo mörg sem eigum það sameiginlegt,að una ekki þessari hagstjórn og hvað þá inngöngu í  ESB. Þar skiptir ekki máli hvaða gömlu-flokka klíku,við tilheyrðum.  Forsætisráðherra fagnar vantraustsyfirlýsingu,hún á að þjappa þeim saman. Kæmust líklega öll inn í Seðlabankann,án nokkurar þjöppunar.  Við SANNIR ÍSLENDINGAR,erum tilbúnirí að reysa land okkar við.

Gagnrýnir Seðlabanka harðlega

Ef draumurinn rætist,þá er næsta mál á dagskrá,að Alþingi móti Þjóðaröryggisstefnu.

      Þessi þingsályktunartillaga Össurar er auðvitað vel ígrunduð,en allt sem kemur frá ríkisstjórninni á þessum tíma verkar á mig tortryggilegt. Í greinargerðinni tekur hann fram að friðvænlegt sé í þessum heimshluta sem við búum í eins og er. En aðrar ógnir sem hann telur upp,geti  haft áhrif langt útfyrir landssteinana. Þar á meðal efnahagsþrengingar. Hann vill skipa nefnd,sem gerir m.a.  tillögu um stefnu sem tryggi þjóðaröryggi Íslands á grundvelli herleysis.      Einhverjir  verða þá skipaður í þá stöðu að skynja hættuástand. Þeir skulu einnig skilja þýðingu milliríkja samskipta í því tilliti.    Öðru vísi mér áður brá. Kæmi mér ekki á óvart að hann hefði ESB-herinn í huga,til varnar fyrir sig og ríkisstjórnina,því eins og í frumvarpinu segir,til að tryggja innra og ytra öryggi. Lái mér hver sem vill,eftir dæmalausa hegðun hans undanfarin ár, í þessum erfiðu aðstæðum okkar. Ljáði Össur nokkurn tíma máls á tillögu Björns Bjarnasonar um þjóðvarðlið? Það er eins og mig minni að það hafi þótt allt að því spaugilegt,en milliríkja-samband!!     Nýtt Varnarlið, úr austri,ég ætla að segja NEI TAKK.

Mótuð verði þjóðaröryggisstefna

Loksins tókst Man.utd að sigra Chelsea á Brúnni

   Ég fagna því að sjálfsögðu. Gamli maðurinn,nei ekki Ferguson, heldur Giggs sem er að nálgast fertugt átti stóran þátt í markinu,sem Wayne Rooney skoraði. Liðin eru að detta út í meistaradeildinni,hvert á fætur öðru,oftast standa einhver af stærri liðum Evropu eftir í úrslituunum. Maður fær enn þá gæsahúð,þegar sýndur er úrslitaleikur  Manutd og Bayern Munchen,(á seinustu öld)  þar sem Manchester vann á loka sekundunni með marki norska leikmannsins Solsker. Ég lét taka  leikinn í kvöld fyrir mig upp og sá hann rétt áðan, og  verð að segja að Man.utd er vel að sigrinum komnir. Chelsea er ekki alveg í sínu besta,þótt Drogba sé sterkur er hann alltof upptekinn af sjálfum sér,er í sífellu með leikræna tilburði,biðjandi nánast um að myndavélarnar beinist að sér.        Held að Niklas Anelka myndi spjara sig vel fengi hann að leika meira.  En seinni leikurinn er eftir og þeir eru erfiðir alltaf detta einhverjir í meiðsli,en lið eins Manchester United,á urmul af góðum leikmönum.Gleymum svo ekki Michael Owen!!! Að sjá hann á Old Trafford eða í Man.utd treyju að leika,er næstum eins og Össur væri kominn í ríkisstjórn U.K. Segi  vegna þess að það er svo fáránlegt samt er nú allt hægt í dag fyrir pening,bara semja,fyrsta annað og þriðja.   

Mark Rooneys tryggði Man Utd sigur

Ég get aðeins notað 1 NEI ,en segi það oft á dag.

                                                               
                                                                Vltu kvittun   NEI !
                                                                viltu poka     NEI!
                                                                Viltu bíða      NEI!
                                                                Viltu mjólk út í NEI!
                                                                Viltu kaupa harðfisk NEI!
                                                                Viltu kjósa já,,, ,Nei,NEI!Alls ekki
                                                                Er eitthvað að þér, NEI,NEI
                                                                finnirðu til hérna ,nei
                                                                en hérna  nei,nei
                                                                viltu í glas,nei nei
                                                                viltu það í fötu, kanski  
                                         Tek fram að öllum Neiunum,fylgdi takk.