BREIÐABLIK

  Til hamingju bikarmeistara! Það var kalt á Laugardalsvelli í dag. Það var það líka árið 1971 á Melavellinum,þar sem við fáir (miðað við í dag) áhangendur Blika hvöttum lið okkar í bikarleik gegn Víkingi,sem unnu 1-0. Mér var hugsað til vinkonu minnar,hennar Huldu Pétursdóttur,"Blikamömmu",sem svo var kölluð,því hún átti alla þessa  Blikastráka! Nei,fæddi  ekki af sér,nema 3,en við vorum saman á Melavellinum í tapleiknum,fyrir 37 árum.                  Þótt það séu 2 ár frá því Hulda dó,minnist fólk enn á hana og   segja:   "Heldurðu að Huldu hefði líkað að vera hér í kvöld",en eins og allir Blikar vita ,lék hún og maður hennar heitinn með Fram og héldu ávallt góðu sambandi við gamla félaga. ´                Þótt leikurinn hafi verið frekar daufur í fyrri hálfleik,varð hann þeim mun meira spennandi í þeim seinni. Akkurat það sem við viljum og   ekkert fyrirséð,eða hver vissi að upp myndi koma nýr markaskorari,vissum að liðið er gott oft á tíðum spilandi frá aftasta manni upp að vítateig andstæðinganna. Það er bjart framundan meðan við höldum þessum leikmönnum og þjálfaranum,sem stjórnar eins og  hljómsveitarstjóri með sprota. 

Breiðablik bikarmeistari í fyrsta skipti eftir vítakeppni

Athugasemdir

[Jóna Kolbrún Garðarsdóttir, 4.10.2009 kl. 02:13]

til hamingju með sigurinn.

[Helga Kristjánsdóttir, 4.10.2009 kl. 02:23]

Takk Jóna mín.

[Ingibjörg Hinriksdóttir, 9.10.2009 kl. 20:19]

Veistu, ég held að Hulda hefði verið mikið stolt á laugardag. Sennilega hefði hún fellt nokkur tár, eins og ég gerði, og hrópað, loksins, loksins, loksins!

Frábær sigur, frábær dagur. Til hamingju Helga, þá átt hlut í þessu!