Bolludagar!!

Einmitt, þeim fjölgar enda ekki hægt að gúffa í sig bollum eins og græðgin býður á einum degi.- Menn áttu til glens og hrekki í gamla daga. Vinnufélagar eldri manns,pöntuðu 30 rjómabollur og létu senda heim til hans. Konan kunni ekki við annað en borga,því verið gæti að eiginmaðurinn hefði látið senda þetta heim. Karlinn  hafði sögu að segja félögum sínum daginn eftir: "Þessar konur mar,haldið ekki að mín hafi keypt 30 rjómabollur til að gera vinkonum sínum til góða" --"Hvað segirðu maður" og félagarnir látast verða hissa.
 "Ójá meira bruðlið þetta og svo þrætir hún fyrir allt saman".  

Kastljós féll niður -

        Á tæknilegu rothöggi.Gott að það varst ekki þú Dagur.
    Þótt ræðan væri stutt,var hún svona la la,engin verður nokkru sinni betri en
    sú eftirminnilega í Hvalfirði.   

Reyna að ræða við Dag á morgun

Davíð Stefánsson

Súsanna Svavarsdóttir ritar í Lesb.Mbl.21.jan 1995; Það er alveg hægt að lesa ljóð Davíðs eins og andlit á manneskju,sem maður hittir einu sinni og dæmir út frá því sem maður sér,ákveður að hún sé óáhugaverð. En missa þá af því að finna út hversu djörfu og ríku lífi hún hefur lifað og það hvað hún hefur frá mörgu að segja.- ?? Svona eins og á ljósmyndasýningu,? Spá í mynd af háaldraðri konu,giska- 

                Þessi gamla er rúnum rist
                reynslusaga í leynum,
                alið,unnað fengið misst
                löglega og í meinum.

Kynþokkafulla skáldið Davíð

Stefnumót!!

 í gær voru ungar vinkonur mínar að rifja upp þegar ein þeirra ákvað að fara á stefnumót,eftir samtal við mann á netinu. Þau ákváðu að fara á kaffihús og pöntuðu kaffi og kökur.Henni féll allur ketill í eld þegar vinurinn pantaði aðra kökusneið, án þess að hafa kyngt þeirri fyrri. Ekki svo að skilja að það væri svo ámælisvert,en svo ópenn kallandi á þjónustuna með súkkulaðilitaðar tennur og ókyngdum leifum.--Þá hringdi síminn hennar til allrar guðs lukku: "Góðan dag þetta er hjá Capasent Gallup,má ég spyrja þig nokkurra spurning."- "Já sæl vinan",Já ég skal bara koma strax alveg sjálfsagt" Undrandi símadama Gallup;  "Nei,nei,þú þarft ekkert að koma ég ætla bara að spyrja þig gegnum símann. "Jæja er það, ertu mikið meidd,? Nei ég er ekkert að gera áríðandi,kem bara eins og skot.-- Fyrirgefðu,ég verð að drífa mig til vinkonu minnar hún varð fyrir óhappi" Shúdt,með ævarandi þakklæti til Gallup.

Kokkalandslið íslands með gull frá Lúx.

  Til hamingju snillingar! Það verður ekki amalegt fyrir gisti og veitingastaði að minna á þessi verðlaun.Það er dæmigert fyrir Ísland að vinna sigur við matreiðslu heitra rétta sem kaldra,eldur og ís,.  Var einhver að segja að við yrðum ekki þjóð á meðal þjóða,þótt fúlsum við Evrópusambandinu. Kokkalandsliðið tók þjóðfánann sinn með,sameiningartáknið og fagnar innilega. 

Kokkalandsliðinu fagnað á morgun

Hvenær talaði forsætisráðherra síðast svona til þjóðarinnar?

Það er nú gott fyrir hrjáða þjóð,sem hefur þurft að þola harðræði eftirhruns áranna.Ekki svo að skilja að við vitum ekki að landið er fagurt og frábært,en við viljum að landsfeðurnir minni stundum á það. Ungu mennirnir við stjórnvölinn ætla að sýna landsmönnum að þeirra er þörf,en þeim var af sumum ætlað að efna loforð sín daginn eftir  undirritun stjórnarsáttmálanns.En svo þarf að sækja aumu umsóknina! Er það nokkuð mál!  

Dragi til tíðinda í haftamálum

Edda Björgvins stýrir Áramótaskaupinu.

 Þar kom að því að allra besta gamanleikkona Íslands er ráðin í starfið. Karlar hafa verið miklu meira áberandi í gamanhlutverkum,er þá nærtækt að nefna Spaugstofumenn,sem héldu uppi laugardagskvöldum á Rúv um árabil. Það er gott að ekkert annað er látið uppi um tilhögun skaupsins. Nú er ég við eldhúsborðið með kaffitár og segi bara eins og venjuleg kjaftakerling,,ég er illa svikin ef Gísli Rúnar leggur ekki eitthvað í púkkið,svo góður höfundur (farsa) gríns sem hann er.