Borgar Hreyfingin???

Í hildarleik eftirhruns panikinni varð Borgarhreyfingin til. Lagt var upp með glænýjan flokk og stefnuskrá líkt og allir aðrir flokkar,heit um hagsmunavörslu fyrir hina minnstu meðbræður. Fólk sem var reitt og miður sín,tók trú og kaus þetta nýja afl. Meðlimir þessa örflokks blönduðu geði við mótmælendur á Austurvelli á fyrstu árum þingsetu sinnar og býsnuðust yfir ákafa og frekju Jóhönnu í öflun fylgis við umsókn í Esb. Hvað kom fyrir þetta blessaða fólk? Loksins er þau hafa ráð lýðræðis í hendi sér,þakka þau ekki kjósendum traustið,og fella ógnarstjórnina. Þau hafa það í hendi sér,en Gunnari,leikstjóra og Herberti skulu þau borga,enda ekki eins öflug og stjórnin sem virðir úrskurð hærra dómsstigs að vettugi,þegar henni hentar.

Borgarahreyfingin þarf að borga

Athugasemdir

[Guðmundur Ásgeirsson, 9.7.2012 kl. 02:09]

Ég geri fastlega ráð fyrir að það ráðvanda fólk sem situr í núverandi stjórn Borgarahreyfingarinnar muni annaðhvort áfrýja til Hæstaréttar eða þá greiða þessa áföllnu kröfu sem stofnaðist í stjórnartíð fyrri stjórnar eftir ákveðin vandræði sem þar komu upp og þetta mál er aðeins lítill angi af.

Fyrst þú ert að velta því fyrir þér hvar Borgarahreyfingin er niðurkomin þá gleður mig að geta sagt þér frá því að hún með aðsetur í Grasrótarmiðstöðinni Brautarholti 4 Reykjavík, ásamt fleiri grasrótarhópum, hugveitum, stjórnmálafélögum og jafnvel stjórnleysisfélögum! :)

[Helga Kristjánsdóttir, 9.7.2012 kl. 04:34]

Já takk fyrir það Guðmundur. Man ekki betur en að Borgarhreyfingin hafi átt húsnæði við Skúlatún,þar sem við í Þjóðarheiðri hittumst og gerðum kröfuspjöld. Hún er þá enn til,en brot af henni situr á Alþingi. Ég hef oft ætlað að líta inn í Bolholt,en ekki fengið mig til þess.

[Elle_, 10.7.2012 kl. 00:44]

Eins og ég skil Helgu er gagnrýninni ætlað að vera beint gegn núverandi Hreyfingu.  Þau gátu fellt óstjórn Jóhönnu og Steingríms, eða hvað?  Þau urðu ekki heldur að taka undir og ýta undir stjórnlagaráðið GEGN Hæstréttardómi.

[Helga Kristjánsdóttir, 10.7.2012 kl. 01:08]

Sæl Elle, það var meiningin,ég varð fyrir vonbrigðum með þau. Já Borgarhreyfing varð að Hreyfingu,sem er á þingi,minnti að þau ætluðu að sameinast aftur,gott ef ekki með Dögun einnig.