Á þjóðlegum nótum, Íslandsvísur.

                 
                                     Landið góða,landið kæra,
                                     langtum betra en nokkur veit,
                                     þér ber ætíð fyrst að færa
                                     fegins óð og tryggðarheit.
                                     Hjálpi drottinn lýð að læra
                                     líf,sem hæfir frjálsri sveit.
                                     Framtak,hófsemd heill og æra
                                     hefji og göfgi hvern þinn reit. *1
 
                                     Lifi minning liðins tíma;
                                     langtum meir þó tímans starf!
                                     Lifi og blessist lífsins glíma,
                                     lifi framtíð göfgan arf.
                                     Hverfi ofdrambs heimsku víma,
                                     hefjist magn til alls,sem þarf.
                                     Lifi og blessist lífsins glíma,
                                     lifi og blessist göfugt starf.

                                     Landið blíða,landið stríða,
                                     landið hrauns og straumafalls,
                                     landið elds og hrímgra hlíða,
                                     hjörtum kært til fjalls og dals!
                                     Í þér kraftar bundnir bíða
                                     barna þinna,fljóðs og hals.
                                     Hvert þitt býli um byggðir víða
                                     blessi drottinn, faðir alls.          Eftir; Hannes Hafstein.

            *1  Jafnt Grímstaði á fjöllum,sem aðra reiti Íslands.

Athugasemdir

[Ásthildur Cesil Þórðardóttir, 15.11.2011 kl. 12:02]

Já sumum er víst einfaldlega fyrirmunað að vera ánægðir með landið sitt. AF hverju fara þeir ekki bara til þeirra lands sem þeim líst betur á og láti okkur hin í friði.

[Helga Kristjánsdóttir, 15.11.2011 kl. 12:51]

Satt segir þú Ásthildur mín,það væri þeim og okkur fyrir bestu. Hef svo margt við þig að segja,en það kemst bara ekki á þrykk,en nægir að segja ;Ísland er land þitt.

[Ásthildur Cesil Þórðardóttir, 15.11.2011 kl. 14:00]

[Kolbrún Stefánsdóttir, 15.11.2011 kl. 22:19]

Sæl Helga. Þetta er yndislegt ljóð eins og svo mörg eftir Hannes Hafstein. Ég tek undir með þér " Ísland er landið sem ávalt þig geymi :) <3 Kveðja Kolla

[Jóna Kolbrún Garðarsdóttir, 16.11.2011 kl. 02:25]

[Helga Kristjánsdóttir, 16.11.2011 kl. 03:09]

       Þakka ykkur fyrir stúlkur mínar.